Njësia 8 në kryeqytet ka qenë sot qendra e takimit të kreut të Partisë së Lirisë, Ilir Meta me mbështetës dhe përfaqësues të kësaj force politike.
Me anë të një postimi në Facebook Meta shprehet pro kauzës së banorëve të kësaj njësie, veçanërisht të lagjes së njohur si “5 Maji” në mbrojtje të banesave të tyre.
Ai shkruan se koha e nëpërkëmbjes së të drejtave të tyre dhe pronave do të marrë fund shumë shpejt e përgjithmonë.
“Askush nuk do të guxojë t’u hedhë gaz në shtëpitë e tyre për t’i nxjerrë dhunshëm në mes të katër rrugëve. Ligji, humanizmi, transparenca dhe Llogaridhënia do të na udhëheqin në çdo vendimmarrje në shërbim të komunitetit. Fuqizimi i Partisë të Lirisë, garanci për t’u dëgjuar zëri i qytetarëve dhe zgjidhur shqetësimet e tyre!”, shkruan Meta.
