Gjatë natës të territorin e qarkut të Lezhës ka patur reshje shiu me intensitet më të ulët, ç’ka ka ndikuar pozitivisht në uljen e nivelit të prurjeve në lumenjtë Drin dhe Gjadër si dhe ne kanalet e ujërave të larta.
Aktualisht janë të përmbytura rreth 1500 hektarë tokë bujqësore në Zadrime, Torovice dhe Kakarriq si dhe dy shtëpi kanë prezence uji në Kakarriq.
Gjithashtu vijon të ketë probleme me furnizimin me energji elektrike në disa zona, ndërsa është bllokuar rruga që lidh fshatin Blinisht me superstradën Lezhë-Shkodër, pasi ka prezencë uji dhe është i pamundur kalimi i automjeteve të vogla.
