Grupi “Balfin” deklaron se nuk ka asnjë lidhje me projektin e ndërtimit të Marinës së Jahteve në Durrës.
Në një komunikim me “Boldnews.al”, pas publikimit të artikullit me titull “Rastësi e çuditshme, kryefinancierja e Samir Manes punësohet tek Alabari i Durrësit”, grupi “Balfin” thotë se “Grupi apo shoqëri të Grupit nuk kanë asnjë përfshirje në projektin e prezantuar për Portin e Durrësit”.
Sipas grupit financiar “Çdo punonjës në Shqipëri, qoftë financier, jurist apo gazetar, ka të drejtë të zgjedhë ku do të punojë. Prandaj lidhja e karrierës së një ish punonjëse të një ish kompanie të Grupit tone me lajmin tuaj është abuzive. Kompania ku ka punuar së fundmi zonja në fjale në shkrimin tuaj, ka kohë që nuk është më pjesë e Grupit BALFIN dhe kompania e re ku është punësuar s’ka asnjë lidhje me Grupi BALFIN”.
Reagimi i grupit financiar lidhet me një raportim të publikuar më herët gjatë së shtunës nga “Boldnews.al”.
