Tedi Cara ka luajtur sot si zëvendësues me fanellën e kombëtares po ka lënë shenjë në paraqitjen e tij me kuqezinjtë, pasi fitoi penallti e më pas shënoi një gol që iu anulua. Ai formoi për disa minuta dyshen e sulmit të Partinit në radhët e kuqezinjve dhe e pranoi se nuk e kishte pritur një gjë të tillë.
“Mendoj se ishte një emocion i veçantë se ëndrra e çdo futbollisti në fëmijëri është të luajë me kombëtaren. Kjo ishte në sytë e publikut se e para ishte ndaj Katarit. Ishte emocion i i veçantë, u ndjeva mirë kur fitova penallti, dëshiroja të shënoja por ndoshta një herë tjetër.
Në sulm me Skukën në kombëtare? Nuk më ka shkuar mendja, sidomos kaq shpejt. Ishte një lajm i bukur kur më erdhi ftesa. Ato dy ndeshje ishin mundësi e mirë për lojtarët shqiptarë se po të mos bëheshin ndoshta do të ishte vështirë të ftoheshim. Falënderoj stafin dhe drejtuesit e federatës që na dhanë këtë mundësi dhe shpresojmë që t’i kemi shpërblyer.
Këto fanella janë kujtim, është debutim dhe do i mbajmë në shtëpi. Të gjithë ëndërrojnë të jenë pjesë e kombëtares, kur të jepet mundësia do të vijmë e bëjmë maksimumin si çdo lojtar, e presim një ftesë gjithmonë nga kombëtarja”, tha për “SuperSport” Cara.
