Eksperti i ekonomisë Pano Soko u shpreh se projekti për portin e Durrësit do të përfundojë si ai në Beograd.
Në emisionin “Drejt” në RTV Ora , ai tha se në Beograd u parashikuan 4 miliardë euro investime, por në fund projekti ndërtoi vetëm disa pallate dhe u dhanë vetëm 150 milionë euro.
“Unë mendoj se është lënë qëllimisht në kontratë që investitori ka të drejtë të ndryshohet projekti. Prekja e projektit të Durrësit është e pamundur, jo vetëm për shumën e madhe të parave, sepse shkon 1.5 miliardë euro. besoj se e gjithë kjo histori do të përfundojnë si në Beograd. Atje u bë një projekt ku do të ndërtohej buzë lumit, që përfundoi në fund në disa apartamente që nuk u bënë deri në fund. Nga 4 miliardë euro investime, u bënë vetëm 150 milionë euro investime. Unë besoj se kjo është histori shqiptare, nuk kemi projekt zhvillimi. Kjo është një histori ku merret toka ku është më shtrenjtë dhe ndërtohen kulla dhe në djall jeta e njerëzve”, tha ai.
