Gjykata e Apelit në Tiranë ka lënë në fuqi vendimin e Gjykatës së Kurbinit që më 13 tetor masën e sigurisë “arrest në burg” për 30-vjeçarin Kristian Cenaj, i cili akuzohet se më 18 maj 2015 ka vrarë 16-vjçarin Mariglen Gjonajn për t’i vjedhur sendet me vlerë që mbante me vete, një orë “Rolex” në dorë dhe një varëse floriri në qafë.
Policia e zbardhi ngjarjen në fjalë 7 vite pas zhdukjes së Mariglen Gjonajt, pasi më 3 prill 2022 në vendin e quajtur “Shëllinx”, në afërsi të Hidrovorit të fshatit Adriatik kishte gjetur eshtrat e 16-vjeçari.
Kristjan Cenaj përmes avokatit të tij kërkoi në Apel lehtësimin e masave të sigurisë, por tentativa nuk ka rezultuar e suksesshme.
NJOFTIMI:
Referuar raportimeve të mëparshme në media, Gjykata e Apelit Tiranë informon sa më poshtë:
Mbi bazën e materialeve që ndodhen në dosjen penale, rezulton se me datë 19.05.2015, nga ana e shtetasit F.Gj. është bërë kallzim në Komisariatin e Policisë Kurbin, për humbjen/largimin e nipit, shtetasit me inciale M.Gj, i cili ishte larguar nga banesa e tij, në fshatin Drojë të Njësisë Administrative Mamurras. Komisariati i Policisë Kurbin ka kërkuar rifillimin e hetimeve të pezulluara , pasi janë gjetur eshtrat enjë shtetasi të gjinisë mashkullore, i cili përkon me personin e humbur me iniciale M.Gj, i dyshuar për kryerjen e veprës penale është personi nën hetim, shtetasi me iniciale K.C.
Gjykata e Rrethit Gjyqësor Kurbin, ka zhvilluar gjykimin lidhur me vlerësimin e ndalimit dhe caktimin e masës së sigurimit “Arrest në burg”,për personin nën hetim me inicialeK.C, i dyshuar për kryerjen e veprës penale të “Vjedhje me pasojë vdekjen”, kryer në bashkëpunim, të parashikuar nga nenet 141 e 25 i K.Penal.
Gjykata e Rrethit Gjyqësor Kurbin me vendimin Nr. 1082-97, datë 13.10.2022 ka vendosur:
–Pranimin pjesërisht të kërkesës, si të bazuar në ligj dhe prova.
-Mosvlerësimin të ligjshëm të ndalimit për personin nën hetim K.C, kryer nga policia, si i dyshuar për kryerjen e veprës penale të “Vjedhje me pasojë vdekjen”, kryer në bashkëpunim, të parashikuar nga nenet 141 e 25 i K.Penal.
-Caktimin ndaj personit nën hetim K.C të masës së sigurimit “arrest në burg”, parashikuar nga neni 232/dh dhe 238 të K.Pr.Penale.
Çështja në apel u shqyrtua mbi bazën e ankimit të bërë nga personi nën hetim K.C, i cili kërkoi:
-Ndryshimin e vendimit të gjykatës. Lënien në fuqi të kërkesës për deklarimin e paligjshëm të ndalimit nga policia. Mos caktimin e asnjë mase sigurimi personal ose caktimin si masë sigurimi sigurimi personal atë të “Ndalimit të daljes për jashtë shteti”, për nevoja të hetimit të mëtejshëm..
Në përfundim të gjykimit, Gjykata e Apelit Tiranë, e përbërë nga Gjyqtare znj.Irida Kacerja, me vendimin nr. 997, datë 15.11.2022 vendosi: Miratimin e vendimit nr. 1082-97, datë 13.10.2022 të Gjykatës së Rrethit Gjyqësor Kurbin.
