Jasir Asani mund të lërë Europën për kontinentin aziatik!Sipas asaj që raporton media hungareze, “Csakfoci.hu”, ish-sulmuesi i Partizanit do të largohet nga ekipi i Kisvardës në Hungari për tu transferuar në Korenë e Jugut, pa përmendur ndonjë emër konkret.
27-vjeçari kaloi te Kisvarda përpara dy sezonesh pas aventurës që kishte me Partizanin. Ndërsa më parë, Asani ka qenë pjesë edhe e skuadrave të Vardarit, Shkupit, Pobedës dhe AIK-ut.
Aktualisht, gjatë këtij sezoni me fanellën e Kisvardës në Superligën e Hungarisë, Jasir Asani është aktivizuar në 15 ndeshje, duke mos shënuar dot asnjë gol dhe duke mos dhuruar ende asnjë asist.
