Një 20-vjeçar shqiptar ka rënë në pranga në Spanjë, pasi në banesën e marrë me qira prej tij janë zbuluar tre pako me drogë dhe një armë zjarri.
Operacioni i ekipit “Mossos” që çoi pas hekurave të riun shqiptar nisi pas një telefonate të bërë nga një grua në numrin 112 të martën e kaluar për të raportuar se kishte gjetur një armë dhe pako që dukej se përmbanin drogë brenda banesës së saj në Eixample.
Eixample është një lagje e Barcelonës, ku gruaja kohët e fundit kishte lëshuar me qira një dhomë të shtëpisë së saj në rrugicën “Carrer Aragó” dhe shkoi për t’u siguruar që gjithçka ishte në rregull.
Una dona que acabava de llogar una habitació a un noi en el seu pis de l’Eixample de BCN es troba accidentalment 3kg de cocaïna i una pistola. Ens alerta i engeguem un dispositiu per detenir-lo. Ha ingressat a presó pic.twitter.com/rumfFLMKQs
— Mossos (@mossos) November 13, 2022
Duke parë nëpër dhoma, disa pako i ranë në sy, por habia e tij u shtua vetëm kur pa edhe një armë ndaj telefonoi me urgjencë policinë.
Edhe pse policia hyri në banesë një ditë më pas sepse iu desh kohë të siguronte një leje, pakot me 3 kilogram kokainë dhe arma ishin ende në dhomë.
Agjentët kontrolluan tërësisht dhomën dhe gjetën dy karikatorë, një të mbushur dhe një bosh, si dhe një çantë shpine plot me plumba.
