Lionel Mesi ka dhënë një intervistë për “Universo Valdano” që do të transmetohet e plotë ditën e sotme.
Në disa pjesë të shkëputura nga intervista me Jorge Valdano, Mesi ka folur për Botërorin, Pep Guardiolën dhe ish-trajnerin e tij tek Barcelona, Luis Enrike.
Ylli argjentinas ka rrëfyer disa momente speciale ku në vitin 2015, Barcelona fitoi tripletë.
“Kisha një marrëdhënie spektakolare me të, i thamë të qëndronte”, tha Mesi, i cili pranoi se deri në atë moment kishin një “debat” përpara vizitës së famshme të Barçës te Real Sociedad, në ndeshjen e parë të 2015-ës.
“U ktheva nga Argjentina pas pushimeve dhe luajtëm më 2 ose 3 janar, nuk më kujtohet saktësisht, dhe përfundova në bankë dhe patëm një debat që zgjati “pak”… por më pas kishim një marrëdhënie spektakolare deri në ditën e fundit, kur ai vendosi të largohej dhe i thash të rrinte, të mos ikte se ishim mirë”, rrëfeu ai.
