Ministri i Jashtëm rus Sergei Lavrov është dërguar me urgjencë në spital menjëherë pasi mbërriti në Bali për të marrë pjesë në punimet e samitit të G20.
Sipas SkyNews lajmi bëhet i ditur nga zyrtarët indonezianë, ndërsa Associated Press konfirmon falë dy burimeve se Lavrov po trajtohet në spital për sëmundje të zemrës.
Ai u dërgua në Spitalin Sanglah në kryeqytetin e provincës, Denpasar, sipas tre zyrtarëve të qeverisë indoneziane.
Menjëherë pas publikimit të lajmit, ministria e jashtme e Rusisë tha për mediat vendase se raportet ishin “lajme të rreme”.
Lavrov është zyrtari më i lartë rus që do të marrë pjesë në samitin e G20, pasi presidenti Vladimir Putin refuzoi të jetë fizikisht aty.
