Trajneri i Partizanit, Giovani Colella ka komentuar fitoren 2-1 ndaj Bylis.
“Ndeshja – Jam i kënaqur që e inaguruam me fitore dhe morëm tre pikë. Bëmë një paraqitje mjaft të mirë ne pjesën e parë por dicka jo me mirë e bëmë në pjesën e dytë. Fitorja është gjithmonë e rëndësishme.
Vareni gjithmonë nga Skuka – Po është e vërtetë që varemi nga Skuka nuk kam pse të fshihem. Në këtë ndeshje Skuka ka pasur një impenjim maksimal vec golit ka lëvizur shumë në zonat pa top.
I kënaqur me lojën apo me tre pikëshin – Tre pikët janë gjithmonë objektivi ynë dhe për atë punojmë. Jam i kënaqur nga pjesa e parë por në pjesën e dytë një skuadër e fortë që synon titullin duhet ta menaxhojë më mirë rezultatin.
Pushimi – Do të përmirësojmë dicka më shumë por unë nuk kam dicka për të ndryshuar dhe do të vazhdoj me këtë sistem. Do të na shërbejë për t’u përmirësuar më mirë por këto ide që kam do të vazhdojnë.
Italia apo Shqipëria? – Besoj që kemi një ndeshje të bukur por unë prej kohësh kam hequr dorë nga tifot për një skuadër edhe përshkak të profesionit por Italia është vendi im i lindjes. Jam mjaft i lumtur që dy lojtarë të Partizanit janë grumbulluar në këtë ndeshje.
Ishit dje në Selman Stërmasi, Tirana apo Vllaznia? – No comment” – Tha ai.
