Tre deputetë mbështetës të Enkelejd Alibeaj ndodhen sot në protestën e opozitës kundër qeverisë Rama.
Dashnor Sula, Ramadal Lika dhe Sajmir Korreshi janë bërë pjesë e protestës së opozitës.
“Kam dal në protestë si çdo shqiptar, si çdo demokrat, kjo protestë është përtej partive politike dhe nuk ka të bëjë se kush e thërret protestën, e rëndësishmë është që çdo qytetar shqiptar, duke pasur parasysh gjendjen e vështirë ku ndodhemi ne, një situatë që nuk di se ku do shkojmë. Prandaj unë gjej momentin që ti bëj thirrje të gjithë qytetarëve shqiptar që të dalin që të protestojnë me emër të fëmijëve të tyre, në emër të të ardhmes se përndryshe Shipëria do të shuhet nëse do të vazhdohet në këtë rrugë”, është shprehur Sula për gazetarët.
Ndërsa Korreshi tha: “Arsyeja që kanë të gjithë qytetarët dhe të gjithë protestuesit, keqqeverisja, harbutëria që ka ky kryeministër, hajdutëria dhe nuk ka lënë gjë pa i heq këtij mileti. Shtet policor, i ka kapur të gjitha institucionet, fukarallëku në maksimum, shpopullimi i gjithë vendit kjo është arsyeja që i ka nxjerr çdo qytetar sot”.
Ndërkohë, në protestën e sotme është i pranishëm edhe deputeti Ervin Salianji.
