Dhjetëra qen janë helmuar pak ditë më parë në parkun e liqenit të Tiranës. Disa prej tyre kanë ngordhur, por ka edhe të tjerë që janë shpëtuar në kohë dhe janë duke marrë mjekim nga veterinerët.
Veterineri Martin Llazani i cili ka ekzaminuar qentë e helmuar, thotë se qentë kanë konsumuar ushqim të helmuar, të hedhur në rrugë nga persona ende të paidentifikuar nga autoritet policore.
Të katër rastet janë mirë. Është një helmim që nëse nuk gjendet shpejt nuk ka shpresa. Fosfoorganiket janë një klasë insekticidesh që blihen në farmaci bujqësore. Futen në ushqime. I pari që ka ardhur ka qenë një qen rruge. I fundit dje ka qenë me të zot.
Ndërkohë qytetarët kanë akuzuar punonjësit e Bashkisë Tiranë për helmimin e qenve. Një prej këtyre punonjësve është denoncuar në polici nga qytetarët por ende nuk ka një reagim zyrtar nga ana e Policisë së Shtetit.
