Një anije tregtare me flamur holandez, e destinuar për të shkuar në Libi është bllokuar në Mesdhe nga forcat e Marinës greke dhe është ankoruar përkohësisht në portin e Almyros në Volo.
Sipas mediave greke bllokimi i anijes është bërë pasi ajo transportonte automjete të blinduara dhe eksporti i tyre drejt Libisë bie ndesh me embargon e armëve të vendosura nga OKB-ja ndaj vendit afrikan.
Mjeti lundrues është lokalizuar më 11 tetor, por incidenti është bërë i ditur sot në kuadër të operacionit “IRINI” të BE-së.
Në njoftimin e shpërndarë nga policia greke thuhet: “Më 11 tetor, EUNAVFOR MED IRINI kreu një inspektim të anijes tregtare MV MEERDIJK në brigjet e Libisë. Anija u zbulua se mbante automjete të modifikuara për përdorim ushtarak në Libi, të dyshuara për shkelje të embargos së armëve të OKB-së”.
EU🇪🇺 Operation #EUNAVFORMED #IRINI seized illegal cargo in breach of the UN🇺🇳 #ArmsEmbargo on #Libya.
Dozens of vehicles modified for military use were discovered during an inspection of 🚢 MV MEERDIJK.
Read more:➡️ https://t.co/hgymEFw2Td pic.twitter.com/7qs2YCh5cj— Operation EUNAVFOR MED IRINI (@EUNAVFOR_MED) November 9, 2022
Kjo është hera e dytë që Operacioni IRINI ka konfiskuar mallra sipas Rezolutës 2292 (2016) të Këshillit të Sigurimit të OKB-së në më pak se tre muaj.
Një nga anijet ushtarake evropiane që operonte në Mesdheun Qendror për Operacionin IRINI vuri re anijen në rrugë për në Libi. Me kërkesë të Operacionit IRINI, në përputhje me RKSKB 2292, Holanda, si shtet i flamurit të anijes, pranoi pa vonesë për inspektimin dhe, më 11 tetor, oficerët hipën në bordin e anijes për të verifikuar natyrën e këtyre mjeteve.
Ekipi zbuloi dhjetëra automjete ushtarake që ishin dërguar në shkelje të mundshme të embargos së armëve të OKB-së ndaj Libisë.
Sipas urdhrit të Kompanisë, automjetet u konfiskuan dhe anija u devijua në një port evropian (Almyros Volos) për kontroll të mëtejshëm.
Pas inspektimit nga Paneli i Ekspertëve të OKB-së, automjetet janë shkarkuar dhe ruajtur në tokë.
