Mbreti Charles III dhe bashkëshortja e tij Camilla janë goditur me vezë nga një protestues gjatë një vizite të tyre në York.
Pamjet e publikuara nga media britanike tregojnë breshërinë e vezëve që fluturojnë pranë Madhërisë së Tij dhe thyhen në tokë ndërsa ai po përshëndetej nga drejtuesit e qytetit.
Mbreti pa shkurtimisht përreth vezët në tokë, por nuk reagoi, ndërsa pas incidentit Charles dhe Camilla u shfaqën të patrazuar ndërsa vazhdonin shëtitjen e tyre dhe përshëndetën turmën.
Protestuesi i vetëm që u arrestua nga policia për hedhjen e vezëve ndishte Patrick Thelwell, një ish-kandidat i Partisë së Gjelbër.
Ai u hodh në tokë nga katër oficerë policie, teksa bërtiste: “Ky vend u ndërtua mbi gjakun e skllevërve“.
Ndërkohë, shikuesit që ishin mbledhur për të parë anëtarët e familjes mbretërore bërtisnin “Zot ruaj mbretin” dhe “turp për ty“.
Teksa oficerët po e mbanin të arrestuarin në një furgon policie në pritje, Charles vazhdoi me një ceremoni tradicionale që pa mbretin të mirëpritej zyrtarisht në qytetin e York-ut nga kryetari i bashkisë.
Një ceremoni e tillë u krye për herë të fundit nga nëna e tij, Mbretëresha, në vitin 2012.
Çifti mbretëror ishte në Jork për të marrë pjesë në zbulimin e një statuje të Mbretëreshës Elizabeth II, e para që u vendos që nga vdekja e saj, si pjesë e një turneu të shkurtër në Yorkshire.
Duke folur në ceremoninë në York Minster, Charles tha: “Mbretëresha e ndjerë ishte gjithmonë vigjilente për mirëqenien e popullit të saj gjatë jetës së saj. Tani imazhi i saj do të kujdeset për atë që do të bëhet Sheshi i Mbretëreshës Elizabeth për shekujt e ardhshëm”.
Skulptura prej 2 metrash me peshë 1.1 ton dhe e ndërtuar me gur gëlqeror nga Franca u projektua për të festuar jubileun e platinit të mbretëreshës së ndjerë dhe u përfundua në gusht, një muaj para vdekjes së saj.
