Interi ka marrë një fitore spektakolare para tifozëve të vet në San Siro. Zikaltërit kanë mposhtur me shifrat 6-1 Bolognan.Nënkampionët e Italisë e panë veten në disavantazh pas 22 minutash lojë, pasi greku Lykogiannis realizoi. Ekipi i Inzaghit përmbysi llogaritë që në pjesën e parë, me golat e Dzeko, Dimarco dhe Martinez.
Në pjesën e dytë, argëtimi zikaltër nuk u ndal por sërish u tund rrjeta bolonjeze nga Dimarco, Calhanoglu dhe Gosens. Çerek ore lojë edhe për Asllanin.Inter kështu hakmerret në një farë mënyre ndaj Bolognas, skuadër e cila i hoqi atyre titullin kampion nga duart në fitoren 2-1 në sezonin që shkoi.
