Kastriot Dermaku ka pësuar një tërheqje muskulore dhe mbyll vitin kalendarik 2022. Mbrojtësi i Leçes humbet kështu ndeshjet miqësore të Shqipërisë ndaj Italisë dhe ndaj Armenisë, të dyja në stadiumin “AIR Albania”, më 16 dhe 19 nëntor.
30-vjeçari ka ndjerë shqetësime muskulore teksa pas ekzaminimeve mjekësore të kryera është vërejtur se do të qëndrojë për të paktën 2-3 javë larg fushave duke pësuar një tërheqje muskulore të shkallës së parë.
Një sezon jo i favorshëm ky për qendërmbrojtësin, i cili pëson 2 dëmtime në një hark të shkurtër kohor. Aktualisht me Leçen në Serinë A, Dermaku është aktivizuar gjithsej në 1 ndeshje duke mos shënuar dhe asistuar asnjëherë.
