Një zjarr i frikshëm përfshiu këtë mëngjes çdo kat të një kompleksi banimi 35-katësh në Dubai, shumë pranë Burj Khalifa.
Zjarri nisi rreth orës 02:20 të mëngjesit dhe u përhap me shpejtësi nëpër bllok, por fatmirësisht autoritetet ende nuk kanë konfirmuar ndonjë të lënduar.
Ndërtesa është pjesë e një serie kullash të quajtura 8 Boulevard Walk, të ndërtuara nga Emaar, zhvilluesi i mbështetur nga shteti në Emirat.
Duke folur për National World, Bindu Rai, e cila jeton përballë ndërtesës, tha: “Nëna ime u zgjua kur zjarri filloi pasi e gjithë dhoma e saj ishte ndriçuar. Ndërtesa ime ka pamje nga Bulevardi 8 dhe me sa dukej, ana e majtë e ndërtesës ishte në flakë.
Zjarri nuk u pranua menjëherë nga policia e Dubait dhe mbrojtja civile. Dubai Media Office dhe Emaar refuzuan të jepnin deklarata për zjarrin.
