Dështimet e Vladimir Putin në Ukrainë po dalin çdo ditë e më shumë në pah, teksa në një video të re që po qarkullon në media shihen oficerët e Marinës ruse që përplasen ashpër me gjeneralët e tyre, duke i konsideruar si “të paaftë”.
Marinsat gjithashtu pretendojnë se ata po trajtohen si “mish për top” pasi njësia e tyre pësoi humbje shkatërruese, me 300 burra të vrarë ose të plagosur në katër ditë luftime të rënda në Pavlivka falë planifikimit katastrofik të gjeneralëve Rustam Muradov dhe Zurab Akhmedov.
Ushtarët pretenduan se komandantët rusë “po fshehin kaosin në rajonin e Donetsk dhe po ulin numrin e humbjeve nga frika se mos shpallen përgjegjës”.
Marinsat i kanë dërguar edhe një letër Vladimir Putin kui kërkojnë të ngrejë një komision të pavarur ushtarak për masakrën në fjalë.
Letra vjen pasi pamjet duket se tregojnë mijëra ushtarë rusë të mobilizuar që organizojnë një rebelim të jashtëzakonshëm kundër gjeneralit të tyre për dërgimin e tyre në vijën e parë me mungesë furnizimesh dhe pajisjesh.
Gjeneral-major Kirill Kulakov u përball me thirrjet “ik nga këtu“, “turp për ty” dhe “poshtë regjimi i Putinit” ndërsa mijëra burra të mobilizuar iu bashkuan një proteste në bazën e tyre të stërvitjes në qytetin e Kazanit, një natë para se të dërgoheshin në vijën e frontit.
Ushtarët që udhëhoqën rebelimin u thanë eprorëve se nuk mund të luftonin sepse kishin duruar javë të tëra mungesë uji dhe ushqimi, ndërsa tani ata do të dërgohen në betejë me “mitralozë të ndryshkur të viteve 1970”.
