Partia e Lirisë zhvilloi sot një diskutim me të rinjtë për projektbuxhetin për arsimin, ku morën pjesë nënkryetarja e Partisë së Lirisë, Floida Kërpaçi, deputetja Erisa Xhixho, anëtaret e kryesisë Miranda Rira, Nora Malaj, Kejdi Mehmetaj dhe Bruna Paskali.
Në këtë takim, Partia e Lirisë njohu të rinjtë me amendamentet e propozuara prej saj për projektbuxhetin e vitit 2023 për arsimin.
Amendamentet e PL
1 – Mbështetje financiare për studentët, 100 euro në muaj për të përballuar krizën e çmimeve dhe kostove studentore, për t’i barazuar me bashkëmoshatarët e tyre në Kosovë.
2 – Mbështetje për kërkimin shkencor, që të shkojë të paktën në 0,3% e PPB siç kanë kërkuar edhe pedagogët.
3 – Rritje e pagave të pedagogeve 50% brenda dy viteve, sipas kërkesave të Sindikatës Kombëtare të Pedagogëve.
4 – Rritjen e pagave të mësuesve duke filluar nga 1 janari për të përballuar rritjen e çmimeve dhe inflacionin e pritshëm.
5 Do Pajisjen me tekste të reja shkollore falas, çdo vit, për nxënësit nga klasa I deri në klasën e IX.
