Ka vijuar dhe ditën e sotme kontrolli fizik i kontejnerëve me banane në Portin e Durrësit.
Kontrollet vijojnë në vijimësi të operacionit të nisur ditën e djeshme nga Ekspertët e Byrosë së Hetimit.
Gjetja më parë e 33.5 kg kokainë mes bananeve është bërë pas një informacioni që ka ardhur paraprakisht nga shërbimet partnere të antitrafikut.
Raportohet se sipas informacioneve, ka qenë për një sasi më e madhe droge.
Kontrollet që po vijojnë janë në kërkim të sasisë se munguar të pritshmërisë që kishin blutë e Durrësit.
Nga kontejnerët janë nxjerre të gjitha arkat me banane dhe po i nënshtrohen kontrollit.
Gjetja e 33.5 kg kokainë mes bananeve
Më datë 3 nëntor 2022, janë kapur 31 pako me lëndë narkotike kokainë, me peshë totale 33.5 kilogramë.
Ishte qeni anti-drogë ai që zbuloi kokainën mes bananeve, të cilat janë të kompanisë “Bana King”, ku janë kapur edhe më herët sasi kokaine në banane.
Lidhur me sasinë e kokainës që u kap u arrestuan tre persona. Gjykata ka vendosur që për shtetasit Petrit Demishaj, Alban Naziraj dhe Artur Sevdaraj, të caktohet masa “Arrest me burg”.
Nga ana tjetër vetë të akuzuarit kanë mohuar çdo akuzë që i lidh me ngjarjen dhe trafikun e kokainës nga vendet e Amerikës Latine.
Në kërkim mbetet Trifon Murataj, pronari i kompanisë “Bana King”, i cili dyshohet se është përfshirë gjithashtu në kalimin kokainës.
