Dita e Diel parashikohet me mot me alternime kthjellimesh dhe vranësira.
Përgjatë ultësirës perëndimore dhe zonave bregdetare priten reshje shiu me intensitet të ulët deri në orët e mesditës.
Ndërsa në zonat malore reshjet e shiut do të mbeten prezente të herëpashershme deri në orët e mbrëmjes me intensitet deri mesatar, sipas Shërbimit Meteorologjik Ushtarak.
Era do të fryjë nga kuadrati i jugut me shpejtësi mesatare 1-8m/sek, e cila hera-herës përgjatë vijës bregdetare dhe në momentin e zhvillimit të vranësirave fiton shpejtësi deri në 15-18m/sek.
Valëzimi në det parashikohet i forcës 3-4 ballë.
