Njeriu më i pasur në botë, Elon Musk, ka rregulla të veçanta që ai i përmbahet rreptësisht. Musk ka zbuluar se ”është e vështirë që të qëndrojë në formë sepse po plaket gjithnjë e më shumë”.
“Për të qenë i sinqertë, më mirë do të ha ushqim të shijshëm dhe të jetoj një jetë më të shkurtër”, tha ai duke shtuar se është i vetëdijshëm për rëndësinë e mbajtjes së peshës, ndaj nuk e anashkalon kurrë mëngjesin.
Ai ha kryesisht omëletë, dhe i pëlqen skara. Preferon kuzhinën franceze dhe gjermane.
Musk fle çdo natë deri në gjashtë orë e gjysmë, që është pak më pak se rekomandimi i mjekut që duhet të flemë shtatë deri në nëntë orë.
“Gjumi është i mrekullueshëm. Jam i mërzitur nëse nuk fle mjaftueshëm. Mund të rrija zgjuar më gjatë, por më pas do të punoja më pak, sepse mungesa e gjumit ndikon në fokusin tim”, shpjegoi miliarderi, i cili nuk ha apo pi asnjëherë alkool dy deri në tre orë para se të shkojë në shtrat, sepse prish gjumin.
