Dje është dhënë vendimi për dhunueset e të moshuarës në Pejë. Infermieret Aurona Pelaj, autore e dhunës, Altina Rexhepi dhe Remzie Kuqi do qëndrojnë një muaj në paraburgim.
KosovaPress ka publikuar një video të Pelajt duke dalë nga Gjykata Themelore e Pejës. Para saj kanë dalë dhe dy bashkëpunëtoret, të tria kokulur.
Oda e Infermierëve të Kosovës ka marrë vendim për tërheqjen e licencës dhe fshirje të Profesionistëve Shëndetësor nga regjistri i Odës për të tre infermieret. Ky vendim është marrë në një mbledhje urgjente me prokurorin, këshillin etik dhe kryetarin e OIK.
