Në një deklaratë për mediat, kreu i KQZ Ilirjan Celibashi ka zbuluar se zgjedhjet lokale të 14 majit do të kushtojnë 5.3 miliardë lekë.
Ai nënvizoi se kjo shifër është parashikuar sipas llogaritjeve dhe 3 miliardë do të shkojnë për projektin e votimit elektronik në 6 bashki të tjetra nëse ai projekt do të realizohet.
“5.3 miliardë lekë prej të cilave 3 miliard është kosto e llogaritur për projektin e votimit elektronik në 6 bashki të tjera. Në Vorë do zhvillohet votimi elektronik, në 6 bashki mund të zgjerohet, Tirana, Durrësi, Vlora, Elbasani, Shkodra dhe Fieri ne kemi kërkuar që nëse do jetë votomi elektronik, partitë bien dakord, dhe nëse janë paratë, ne i kemi bërë këto llogari dhe 6 bashki të tjera dhe kosto shkon 3 mld lekë, nëse do i kemi këto para dhe palët janë dakord që të zhvillohet ky proces, votim elektronik dhe në këto bashki. Nëse jo, nuk mund ta bëjmë. Do të jenë 210 milionë lekë për pagat e komisionerëve”, zbuloi Celibashi.
Më tej, kreu i KQZ sqaroi se në procesin zgjedhor do të përfshihen 352 punonjës, pa përfshirë operatorët e identifikimit elektronik.
Ndërkohë, do të jetë data 6 mars ajo që do të përmbyllë afatin për paraqitjen e kërkesave.
“Më 14 prill fillon fushata zgjedhore, më 8 maj përfundon publikimi i sondazheve dhe më 13 maj fillon heshtja zgjedhore. Me 2 maj është afati i fundit për akreditim vendas, përfshirë këtu dhe median. Më 23 nëntor është data për shpalljen e listës së zgjedhësve, në 9 prill 2023 shpallet lista përfundimtare e zgjedhësve”, deklaroi ai.
