Gjithsej 214 ushtarë janë liruar nga Ukraina dhe Rusia në shkëmbimin e fundit të të burgosurve mes dy vendeve të cilat kanë arritur një tjetër marrëveshje mes tensioneve të luftës.
Ministria ruse e mbrojtjes konfirmoi se 107 ushtarë rusë u ishin dorëzuar atyre dhe tani do të dërgohen në Moskë për trajtim mjekësor, ndërsa në një postim në aplikacionin e mesazheve Telegram, Shefi i Zyrës Presidenciale të Ukrainës Andriy Yermak konfirmoi se kishte marrë 107 nga personeli i saj ushtarak, duke përfshirë gjashtë oficerë dhe 101 ushtarë.
“Ka persona me gjymtyrë të shkëputura dhe djegie që nuk ndihen pjesë e fytyrës, me plagë të infektuara”, ka shkruar ai.
Më herët, kreu i instaluar nga Rusia i rajonit të okupuar të Donetskut tha se 107 ushtarë ukrainas të kapur gjithashtu do të lirohen, megjithatë, ende nuk ka asnjë konfirmim nga Ukraina se kjo ka ndodhur.
Që nga fillimi i luftës në shkurt, të dyja palët kanë marrë pjesë në disa shkëmbime të burgosurish, ku muajin e kaluar, më shumë se 100 gra ukrainase u liruan në atë që ishte një nga shkëmbimet më të mëdha të luftës.
