Artistja shqiptare Klodiana Çelo, e cila një vit më parë la të plagosur rëndë ish-bashkëshortin e saj grek në sy të fëmijës, ka dalë para gjykatës sot ku ka parashtruar dhe disa kërkesa specifike. Çelo ka kërkuar disa herë shkarkimin e trupës gjykuese që po shqyrton çështjen e saj madje ajo ka kërkuar në seancë edhe prezencën e mediave dhe përfaqësuesve të ambasadës shqiptare.
40-vjeçarja ka kërkuar që dhe vajza e saj 14 vjeçe që ishte e pranishme kur ndodhi plagosja të jetë pjesë e seancës gjyqësore.
Klodiana Çelo u arrestua një vit më parë pasi qëlloi disa herë me armë zjarri mbi ish-partnerin e saj grek, i cili ishte një mjek i nohur në Greqi. Në momentin e ndodhjes së konfliktit ai ishte në makinë me vajzën. Çelo ka rrëfyer se ish-burri kishte marrë vajzën pas ndarjes dhe nuk lejonte që ta takonte, ndërsa sipas mediave greke ai kishte fituar kujdestarinë dhe ndaj nënës ishte vendosur dhe urdhërarrest që të mos i afrohej të miturës.
