Ministri i Brendshëm, Bledi Çuçi ka reaguar pas aksionit të policisë në portin e Durrësit ku u sekuestruan 33.5 kg kokainë, të fshehur në një kontenier bananesh të porosituar nga kompania “Bana King”.
Në reagimin e tij në rrjetet sociale, ai shkruan:
“Përgëzime Policisë së Shtetit për goditjen e suksesshme në Portin e Durrësit, ku u sekuestruan 33.5 kg lëndë narkotike e dyshuar si kokainë. Prova e radhës e punës së shkëlqyer hetimore dhe operacionale, e luftës pa kompromis përballë krimit të organizuar dhe dëshmi e pakontestueshme e vendosmërisë tonë për të rritur gjithnjë e më shumë forcën goditëse të Policisë së Shtetit ndaj grupeve kriminale. Operacioni vijon”.
