Dhoma amerikane e Tregtisë e vlërëson antikushtetuese paketën fiskale të propozuar nga qeveria.
Në komentet dorëzuar Komisionit të Ekonomisë dhe Ministres së Financave, Dhoma Amerikane është ndalur gjerësisht në dhjetëfishimin e gjobave për biznesin duke e cilësuar jo të drejtë në një kohë të krizës ekonomike.
Anëtarët e Dhomës Amerikane të Tregtisë kanë ngritur shqetësimin se gjobat e propozuara për mos lëshimin e faturës janë përtej normave që parashikon aktualisht legjislacionin tatimor në fuqi, si dhe nuk është marrë në konsideratë parimi i proporcionalitetit të Gjykatës Kushtetuese.
Nga anëtarët e Dhomës Amerikane kundërshtohen edhe propozimet për unifikimin e akcizës te prodhuesit e birrës. Anëtarët e Dhomës ngrenë shqetësimin se unifikimi do të dëmtojë prodhuesit vendas në raport me birrat e importit. Dhoma Amerikane e Tregtisë shprehet se regjimi aktual i akcizës ka qenë në të njëjtën linjë me lejimet e BE-së dhe nuk ka qenë në kundërshtim me direktivën.
Gjoba për mallrat e pashoqëruara me faturë bëhet 750,000 lekë nga 75,000 lekë që ishte më herët, por kallëzimi penal bëhet në rast se subjekti është përsëritës dhe jo në shkeljen e parë: Dhjetëfishimi i gjobës për moslëshim të faturave për furnizim, pagese, apo pranim të mallrave nga 150,000 bëhët 1,500,000 lekë.
“Nuk e kuptojmë analizën e kryer nga Ministria që është konkluduar në dhjetëfishimin e gjobave për vetëm një kategori të biznesit. Ne gjykojmë se propozimi për rritjen e gjobave është i pabazuar në ligj dhe antikushtetues” thekson ndër të tjera dhoma amerikane e tregtisë.
këto komente argumentohen se nuk janë të drejta në një kohë që biznesi po vuan pasojat e krizës ekonomike
Projektligji sipas Dhomës Amerikane shkel lirinë e veprimtarisë ekonomike dhe të drejtën e pronës dhe duhet të rishikohet nga ana e Ministrisë së Financave dhe Ekonomisë.
