Gjykata e Bavarisë gjobit me 1.2 milionë euro ish-mbrojtësin e Bayernit dhe të Kombëtares së Gjermanisë, Jerome Boateng për për lëndime personale dhe fyerje ndaj ish-partneres së tij. Vendimi në dëm të Boateng është marrë në apel që e detyron mbrojtësin të paguajë nga 10 mijë euro në ditë për 120 ditë rresht.
Shtatlarti, aktualisht pjesë e Lyon në Francë, e kishte sulmuar fizikisht ish të fejuarën gjatë pushimeve të vitit 2018. Vetë Boateng ka mohuar përherë çdo akuzë që i është bërë në këtë drejtim ndërsa e apeloi vendimin fillestar të shkallës së parë që e gjobiti me 1.8 milionë euro.
Gjykatësit e apelit e reduktuan shifrën por nuk e zhbënë vendimin për ta shpallur fajtor pasi faktet ishin të pakundërshtueshme. Në shkurtin e vitit të kaluar, Kasia Lenhardt u gjet e pajetë në shtëpinë e saj pasi hetimet dilën në përfundimin që ajo kishte kryer vetëvrasje duke lënë jetime edhe dy vajzat binjake që kishte sjellë në jetë me Boateng.
