Një ngjarje e rëndë ka ndodhur “Shtëpinë e të Moshuarve” në Pejë ku disa punonjëse të kësaj shtëpie kanë sulmuar fizikisht një grua të moshuar, derisa njëra prej tyre është treguar e pamëshirshme duke e goditur me shuplaka vazhdimisht.
Ndërkohë është bërë i ditur identiteti i vajzës që godet të moshuarën. Ajo quhet Aurona Pelaj.
Video që na shokoi të gjithëve u publikua në rrjete sociale nga aktorja e njohur kosovare, Kaltrinë Zeneli.
Në video shihet teksa keqtrajtohet një zonjë e moshuar nga disa vajza të reja, infermiere. Zeneli nuk ka treguar se ku ka ndodhur rasti dhe në çfarë kohe, por u ka bërë thirrje autoriteteve dhe mediave që të ndjekin këtë ngjarje shqetësuese.
Infermierja shihet teksa e godet disa herë në fytyrë pacienten, ndërsa ajo është e pafuqishme që të mbrojë veten. Në video, përveç sulmit fizik, dëgjohen edhe ofendime e përulje ndaj zonjës së moshuar, edhe nga infermieret e tjera.
