Mjeku i njohur Ilir Alimehmeti zyrtarisht do të jetë pjesë e primareve që do të organizojë Partia Demokratike për të nxjerrë kandidatin e opozitës në garën për Bashkinë e Tiranës.
Lajmi është konfirmuar nga selia blu e cila ka lajmëruar se ditën e sotme në orën 11:00, Alimehmeti do të prezaktojë kandidaturën e tij.
“Në orën 11.00 Dr. Ilir Alimehmeti prezanton kandidaturën për primare në Partinë Demokratike, për zgjedhjet lokale”, thuhet në njoftim.
Ilir Alimehmeti është zyrtarisht kandidati i tretë që futet në garë për Bashkinë e Tiranës, pasi më herët kanë konfirmuar zyrtarisht kandidimin Belind Këlliçi dhe Gert Bogdani.
Ai është një kandidat jo politik dhe rezultati që do të marrë në primaret që do të zhvillohen mes demokratëve, duhet të jetë më i lartë se Këlliçi e Bogdani, që të konfirmohet zyrtarisht si kandidaturë e PD dhe Partisë së Lirisë përballë Erion Veliajt.
