Një magazinë me ushqim bagëtish, është përfshirë nga flakët mbrëmjen e sotme në fshatin Kamenicë, të Korçës.
Ngjarja ka ndodhur rreth orës 21:00, ndërsa pronari i magazinës teksa është munduar të shuajë zjarrin, ka pësuar djegie trupore dhe është transportuar në spital për trajtim mjekësor.
Njoftimi:
Korçë/Informacion paraprak
Më datë 01.11.2022, rreth orës 21:00, në fshatin Kamenicë, Korçë, ka rënë zjarr në ambientin ku mbahej baza ushqimore e bagëtive, në pronësi të shtetasit A. D., i cili duke u munduar të shuante zjarrin, ka pësuar djegie trupore dhe aktualisht ndodhet në spitalin e Korçës, nën kujdesin e mjekëve.
Grupi hetimor po punon për zbardhjen e rrethanave dhe përcaktimin e shkaqeve të rënies së zjarrit.
