Borti i Transparencës ka ndryshuar çmimet e karburanteve në Shqipëri.
Në një kohë kur çmimi i naftës në bursën ndërkombëtare është në “pikiatë” bordi i ngritur nga kryeministri Edi Rama tallet me shqiptarët duke bërë një ulje qesharake.
Pas 3 javësh në “gjumë”, bordi ka reaguar ditën e sotme duke bërë një ulje të lehtë me 4 lekë çmimit të naftës e cila nga dita e sotme do të shitet 236 lekë/litër.
Në të njëjtin trend është edhe çmimi i benzinës, që do të tregtohet me 196 lekë për litër, nga 203 që ishte deri tani. Gazi do të tregtohet me 77 lekë për litër.
Ndonëse në Bursa nafta është në tendencë rënieje prej disa javësh, duke zbritur në nivelet e para sulmeve të Rusisë ndaj Ukrainës, në tregun vendas karburanti vijon të jetë pranë niveleve maksimale, që arritën deri në 265 lekë për litër në mars. /MONITOR
