Ylli nigerian Davido dhe partnerja e tij, Chioma Rowland, kanë humbur djalin e tyre, Ifeanyi.
Vogëlushi 3-vjeç u mbyt në një pishinë në rezidencën e tyre në një ishull pranë Lagos. Ngjarja e rëndë ka ndodhur mbrëmjen e së hënës, pak ditë pas ditëlindjes së tij të tretë.
Vogëlushi u dërgua me urgjencë në spital por nuk mundi të mbijetonte.
Davido, emri i vërtetë David Adeleke, ende nuk ka bërë ndonjë deklaratë zyrtare, por thuhet se ai nuk ka qenë në shtëpi kur ndodhi ngjarja.
