45-vjeçari shqiptar Spartak Dyrmishi, i akuzuar për përdhunim, ka mbërritur këtë pasdite në Gjykatën e Evelpidon, Greqi.
Mediat greke kanë publikuar momentin kur Dyrmishi dërgohet në gjykatë i shoqëruar me dy policë dhe i veshur me jelek anti-plumb, ndërsa ka mbuluar kokën me kapuç.
Mbrëmjen e djeshme policia shqiptare ka arrestuar shtetasin Spartak Dyrmishi i shpallur në kërkim nga autoritetet greke për shkak se dyshohet për disa përdhunime në shtetin fqinj.
Uniformat blu organizuan strukturat operacionale për të ushtruar kontrolle të imtësishme në qytetin e Vlorës duke bërë të mundur ndalimin e këtij shtetasi.
Duke qenë se Dyrmishi ka shprehur dëshirën e tij për t’u dorëzuar te Policia greke, në orët e para të mëngjesit të sotëm, Policia shqiptare e ka dorëzuar atë në Pikën e Kalimit Kufitar Kakavije.
