Të shtëna me armë zjarri janë rregjistruar në Denver. Mediat amerikane raportojnë se kanë mbetur të vrarë katër persona.
Autoritetet janë në kërkim të një të dyshuari që vrau tre burra dhe një grua në një shtëpi në periferi të Denverit.
Në shtëpi kanë qenë edhe dy fëmijë të vegjël dhe një grua, e cila është partnerja e të dyshuarit, të cilët kanë mbetur të padëmtuar. Në fillim të kësaj jave, ndaj të dyshuarit, 21-vjeçarit Joseph Mario Castorena, është lëshuar një masë ndalimi që të mos vinte në shtëpi apo të kontaktonte me partneren e tij.
“Ai është i armatosur dhe dukshëm i rrezikshëm”, njoftoi policia, raporton denverpost.
Kjo e fundit përdori dron për të kërkuar autorin e krimit, por deri më tani nuk ka pasur sukses.
