Tirana është tronditur mbrëmjen e sotme nga një vrasje me kallashnikov e ndodhur pak pas orës 23:00.
Ngjarja e rëndë është regjistruar në një nga lagjet më të sigurta të kryeqytetit, te “Kodra e Diellit”, ku mbi 39-vjeçarin është qëlluar teksa po qëndronte në një nga rrugicat e zonës.
Mësohet se pranë Briken Sanajt është afruar një mjet tip “Audi” me ngjyrë të zezë.
“Killerat” kanë qëlluar në drejtim të djalit nga Lezha drejt e nga dritarja e mjetit me breshëri kallashnikovi duke i shkaktuar vdekjen e menjëhershme.
Më pas, autorët janë larguar kundravajtje duke thyer edhe traun e sigurisë që është vendosur sa futesh në zonë.
Sakaq, një person i ndodhur rastësisht në zonë ka tentuar që t’i shpëtojë jetën Sanajt dhe e ka dërguar në spital, por fatkeqësisht i riu ka mbërritur pa jetë në dyert e spitalit.
