Trajneri i Partizanit, Giovani Colella nuk ka fshehur zhgënjimin pas disfatës 3-0 ndaj Egnatias.
“Mendoj që kjo humbje do të na shërbejë shumë. Kemi marrë shumë komplimente gjatë ditëve të fundit, që po udhëheqim, jemi të sigurtë. Ndaj mendoj se do të na bëjë shumë mirë. Edhe për mua, edhe unë kam pasur shumë komplimente. Edhe për mua kjo humbje do të na shërbejë.
Oshilacionet? Sigurisht që sot ka qenë një humbje shumë e shëmtuar. Përgjegjësia është e gjitha e imja.
Shthurja totale? Jam dakord me faktin që Egnatia është një skuadër mjaft e mirë. E kam thënë edhe në përfundim të fazës së parë. Ashtu si e kemi interpretuar ndeshjen ne sot. Nuk ka asgjë për të komentuar. Nuk ka të bëjë fare me dëmtimet si Massanga dhe Da Silva. Ne duhet të bënim lojën tonë, të ishim një skuadër. Duhet t’i lëmë mënjanë gjitha, kur zhvillon ndeshje të tilla, duhet të mbyllesh gojën dhe të ikësh në shtëpi, pavarësisht se unë jam këtu. Kjo ndeshje ishte meritë e Egnatias që zhvilloi një 90 minutësh mjaft të mirë.
Përgatitjet? Sa i përket aspektit fizik nuk mund të punosh shumë sepse kemi pak kohë në dispozicion. Kush ka luajtur futboll, e di mirë. Problemi më i madh është përqëndrimi në fushë. Ky mendoj se është problemi kryesor”, tha ai.
