Përfshihet nga flakët avioni i linjës Varshavë-Tiranë. Ngjarja ka ndodhur në aeroportin e kryeqytetit polak “Chopin”, duke shkaktuar vonesa te pasagjerët që presin të imbarkohen për të udhëtuar drejt Tiranës.
Pasagjerët që kanë patur destinacion Tiranën kanë hipur në avion, por pas zjarrit të rënë në një nga motorrët e mjetit fluturues, janë detyruar të zbresin sërish.
Në pistë kanë shkuar 3 zjarrëfikëse dhe kanë vënë nën kontroll flakët.
Pasagjerët janë në pritje dhe u është thënë nga përfaqrsues të kompanisë së fluturimit se ata do të udhëtojnë me një avion tjetër.
Por, deri tani, nuk janë nisur ende drejt Tiranës.
