Dhjetë persona humbën jetën kur një shpërthim ndodhi në një stadium futbolli amator në Irak.
Shpërthimi ndodhi pranë një kafeneje dhe fushës ku po zhvillohej një lojë. Sipas raportimeve, copëzat e ndara nga objektet dëmtuan shtëpitë aty pranë. Më herët besohej se shpërthimi mund të ishte shkaktuar nga një paisje plasëse e cila ishte ngjitur në një automjet, por kjo është e diskutueshme nga disa burime.
Shërbimet e sigurisë po hetojnë nëse ai mund të jetë shkaktuar nga një aksident dhe jo nga një bombë.
Një figurë e lartë ushtarake tha për mediat irakiane se dyshohet se ka një shkak ‘teknik’. Flakët u përhapën nga një cisternë gazi aty pranë, duke dyfishuar forcën e shpërthimit. 20 persona të tjerë u plagosën, shumica e të cilëve u përfshinë në ndeshjen që po zhvillohej. Egziston frika se numri i të vdekurve mund të rritet.
Një deklaratë e ushtarakëve tha se një cisternë gazi shpërtheu në një garazh në Bagdadin Lindor duke shkaktuar një numër viktimash dhe forcat e sigurisë po hetojnë shkakun e shpërthimit. Autoritetet nuk kanë dhënë detaje të mëtejshme dhe asnjë grup nuk ka marrë përgjegjësinë.
Pamjet nga vendi i ngjarjes tregonin rrënojat. Një makinë e djegur plotësisht u pa në një cisternë gazi e cila ishte deformuar nga forca e shpërthimit.
متظاهرون رافضون لما اطلقوا عليه “حكومة المحاصصة” يتعرضون للقمع على يد عناصر امنية في مدينة الحلة pic.twitter.com/BaEhuhWDol
— مؤسسة بغداد (@baghdadNGO) October 29, 2022
