Një varkë e cila përdorej për trafik droge nga trafikantët ndërkombëtarë është shpërthyer në det të hapur nga forcat e Marinës britanike.
DailyMail raporton se pasi kanë sekuestruar ngarkesën prej 400 kilogram kokainë, me vlerë rreth 24 milionë paundm ata kanë hedhur në erë me një goditje të vetme varkën që përdorej për aktivitet të paligjshme.
Në pranga kanë rënë 3 persona dhe operacioni është kryer në bashkëpunim me Rojet Bregdetare të SHBA-së.
Kjo është hera e dytë për këtë muaj që komandot britanike kanë sinjalizuar dhe ndaluar kontrabandistët në ujërat ndërkombëtare. Gjatë kontrollit, u gjetën gjithashtu dhe 870 kg metamfetaminë.
Kjo ngjarje çon numrin total të konfiskimeve të drogës nga Marina Mbretërore në 70.8 milion paund gjatë këtij viti në krahasim me 582 milion paund që nga viti 2020.
Besohet se varka ishte nisur nga Amerika e Jugut. Që nga viti 2020, Marina Mbretërore ka sekuestruar drogë me vlerë 582 milionë paund nga bandat që vepronin në Lindjen e Mesme, Oqeanin Indian dhe Karaibe.
