Komandantja e Marinës Mbretërore Biranike, e cila shërbente në një nëndëtëse bërthamorem pretendon se është ngacmuar seksualisht në ambientet e brendshme.
Mediat e huaja kanë publikuar dëshminë e Sophie Brooke, një nga gratë e para që shërbeu në një nëndetëse të Marinës Mbretërore pas reformës së vitit 2011, kur ky shërbim pushoi së qeni prerogativë ekskluzive e burrave.
“Ishim shumë afër që të dilte diçka e mirë. Unë isha pothuajse komandantja e parë femër e nëndetëseve në botë (…) por që nga dita e parë, nuk pata asnjë mbështetje. Disa prej kolegëve më fusnin organet gjenitale në xhepa”, tha Brooke.
Brooke gjithashtu pretendoi se një nga kolegët e saj ekspozoi organet e tij gjenitale ndërsa një oficer e puthte atë ndërsa ajo flinte.
“Unë kisha përgjegjësinë e plotë për 165 anëtarë të ekuipazhit, reaktorin bërthamor dhe kokat bërthamore me pothuajse asnjë pikë gjumë”, theksoi ajo për të nënvizuar rreziqet e një situate të tillë.
Shefi i Marinës, Admirali Ben Key, theksoi se “ngacmimi seksual nuk ka vend në Marinën Mbretërore dhe nuk do të tolerohet”.
Në një postim në Twitter, ai i quajti “të neveritshme” akuzat në dëshmi dhe zbuloi se kishte urdhëruar një hetim.
“Kushdo që shpallet fajtor duhet të mbajë përgjegjësi për veprimet e tij, pavarësisht gradës së tij”, theksoi ai.
