Futbollisti belg Sharl De Ketelar është pritur me shumë entuziazëm nga klubi i Milanit. Por starti i tij me fanellën e kësaj skuadre, nuk ka qenë në nivelin e asaj pritshmërie.
Duket se futbollisti belg po vuan shumë faktin se nuk ka gjetur ende rrugën e rrjetës dhe kjo shihet qartësisht tashmë pasi në ndeshjet e fundit kur ka zbritur në fushë, ka gabuar edhe mundësi të arta shënimi.
Mbështetja e klubit nuk mungon, por tashmë pesha se është i vetmi lojtar me tipare ofensive që nuk ka tundur rrjetën në këtë sezon, ka nisur të peshojë për belgun.
De Ketelar shpreson që të bëhet protagonist para fillimit të Botërorit, për të luajtur shanset e tij në ekipin e Belgjikës.
Zhiru, Rebiç dhe Origi ia dolën, ashtu si edhe lojtarët e krahut si Leao, Mesias e Salemakers. Diaz gjithashtu, ka filluar të bjerë në kontakt të shpeshtë me golin.
Ndaj në klub presin vetëm kontributin e belgut, me shpresën që ai të vijë para ndërprerjes së kampionatit, pasi i frikësohen faktit se pastaj kjo mund të kushtëzojë të gjithë sezonin e djaloshit.
