“Është i fortë, madje shumë i fortë. E njihja edhe më parë, është shumë premtues”. Këto kanë qenë fjalët e Igli Tares, drejtori sportiv i Lazio-s, para fillimit të ndeshejs së Europa League të bardhekaltërve kundër Midtjylland.
Fjalë që kanë qenë si një parashikim ogurzi pasi janë konfirmuar nga talenti 21-vjeçar vetëm pas vetëm 8 minutash lojë. Danezi, në fakt, ka përfituar nga një gabim i mbrojtjes vendase dhe ka shënuar me një goditje shumë të bukur nga jashtë zone.
Nga një rivënie anësore të Hysaj ka ardhur një gabim i rëndë i Gila-s, i cili ia ka dorëzuar topin Isaksen-it me këtë të fundit që ka falënderuar dhe ka mposhtur Provedel.
Ndeshja që po luhet në Olimpico është e vlefshme për javën e pestë të fazës me grupe të Europa League. Grupi F, ku bëjnë pjesë edhe Feyenoord dhe Sturm Graz, është shumë i ekuilibruar me të katër skuadrat që janë paraqitur në javën e pestë me nga pesë pikë secila.
