Neritan Sejamini ka folur për marrëveshjen e Sali Berishës dhe Ilir Metës për zgjedhjet e vitit 2023.
I ftuar në emisionin “Të Paekspozuarit”, Sejamini tha se kjo marrëveshje është një strategji elektorale, por jo historke, siç u cilësua nga Meta dhe Berisha.
Sejamini deklaroi se opozita duhet të tregohet më e përulur, për të tërhequr elektoratin.
“Është strategji elektorale për të bashkuar numrat për një betejë të ardhshme. Nuk mendoj se ka ndonjë gjë historike. Është një marrëveshje partiake. Nuk ka asgjë historike kur bëjnë marrëveshje partite. Ajo që ka ndodhur mes PL dhe PD, është gjëja e duhur.
Mendoj se PD dhe opozita në përgjithësi, duhet të jetë me e thjeshtë dhe modeste. Këto skena nuk të ngjallin optimizëm dhe ndjenjë pozitive. Këto mund të shmangen.
Para zgjedhjeve të 2021, kishim Kryemadhin me Bashën. Bënë logo të përbashkët, bashkuan ngjyrat, bënë dhe logo, podium, etj. Pra, tani kuptojmë sa banale ishte.
Është e dëmshme trajtimi nga opozita e kësaj marrëveshje, si një marrëveshje historike. Opozita do të fitonte më tepër të ishte më e përvuajtur, më njerëzore. Tërhiqen njerëzit më shumë kur thuhet se do të punojmë sëbashku.
Edhe kjo marrëveshje është prapë brenda opozitës. Nuk ka dalë akoma jashtë rradhëve të veta, është akoma te militantët. Jashtë tyre nuk ka asgjë akoma.
Pyetja ime është, kur do të dalin jashtë në terren. Njerëzit kanë nevojë për tjetër qasje.
Opozita duhet të kuptojë se me kë ka të bëjë”, deklaroi Topalli.
