Elon Musk është në fazën përfundimtare për të blerë Twitter pasi ndryshoi përshkrimin e punës në profilin e tij të mediave sociale në “CEO i Twitter” të mërkurën.
I njohur për “trolling” në rrjetet sociale, ai ka postuar një video në llogarinë e tij personale, ku shfaqet teksa hyn në selinë e Twitter duke mbajtur një lavaman në krah.
“Duke hyrë në selinë e Twitter-it”, ishte mbishkrimi që shoqëronte videon e Musk.
Kompania pritet të kalojë në duart e Musk në orën 17:00 të datës 28 tetor, sipas Bloomberg.
Entering Twitter HQ – let that sink in! pic.twitter.com/D68z4K2wq7
— Elon Musk (@elonmusk) October 26, 2022
Ndërkohë videoja “trolling” e Musk vjen pasi ai u zotua në një telefonatë me bankierët, të cilët po ndihmojnë në financimin e marrëveshjes, se ai do të mbyllte marrëveshjen e blerjes përpara fundit të javës.
Të udhëhequra nga Morgan Stanley, bankat kanë përfunduar marrëveshjen përfundimtare të kredisë dhe janë në proces nënshkrimi të dokumentacionit, duke shënuar një nga hapat përfundimtarë për sigurimin e 13 miliardë dollarëve për marrëveshjen.
Investitorët, duke përfshirë bashkë-themeluesin e Oracle Corp, Larry Ellison dhe princin saudit Alwaleed bin Talal, do të fitojnë 7.1 miliardë dollarë.
Mbyllja e marrëveshjes do t’i japë fund spekulimeve mujore se biznesmeni do të braktiste blerjen.
