Interi nuk është në shitje. Presidenti i zikaltërve, Steven Zhang ka mohuar kategorikisht se zikaltërit janë në tratativa me ndonjë investitor.
Pavarësisht thashethemeve dhe zërave, numri një i klubit nënkampion të Italisë duket më i prerë se kurrë për të mbajtur çelësin e Interit. Zhang foli gjithashtu, edhe për suksesin e arritur sot, duke kaluar grupet e Champions League.
Kalimi i grupit- “Trajneri dhe lojtarët po bëjnë mirë, puna e bërë në 4-6 vitet e fundit është bërë për të përmirësuar klubin dhe kjo duket. Kalimi i grupeve është një lajm i mirë për të ardhmen tonë”.
Interi në shitje? Nuk po flas me asnjë investitor dhe Interi nuk është në shitje. Në 3-4 vitet e fundit klubi është në qendër të spekulimeve të ndryshme por ne jemi të fokusuar te fitoret për sa kohë që unë jam president.
