Një aksident me pasojë vdekjen e një personi ka ndodhur paraditen e sotme në aksin Lushnje-Fier, në Bishqethëm.
Viktimë ka mbetur 59-vjeçari Qemal Shala, banues në Bitaj.
Viktima ka qenë duke drejtuar një motoçikletë, kur është përplasur më një mjet bujqësor.
“Rreth orës 10:40, në fshatin Bishqethëm, Lushnjë, motomjeti me drejtues shtetasin Q. Sh., 59 vjeç, banues në fshatin Kaskadë, Lushnjë, është përplasur me një mjet bujqësor tip zetor me drejtues shtetasin J. P. Si pasojë e përplasjes, drejtuesi i motomjetit ka ndërruar jetë. Grupi hetimor po punon për zbardhjen e rrethanave të aksidentit”, njoftoi policia.
