Gazetari Blendi Fevziu dha pak ditë më parë lajmin se pranë Autoritetit të Dosjeve gjendej dosje për ish-presidentin e Kosovës Ibrahim Rugova. Nisur nga kërkesat e shumta, Fevziu ka publikuar një video nga leximi që u ka bërë materialeve.
“Meqe shume vete me kane pyetur. Kjo eshte dosja qe Sigurimi i Shtetit ka mbajtur per Ibrahim Rugoven qe ne vitin 1970. Gjendet e deklasifikuar ne Autoritetin e Dosjeve”, shkruan Fevziu teksa përshkruan videon e publikuar në rrjetet sociale.
Dosja e përgatitur nga spiunët e ish-Sigurimit famëkeq të Shtetit përmbante “informata” dhe një “raport survejimi” për presidentin e parë të Republikës së Pavarur të Kosovës. Rugova njihej me pseudonimin “Zdrukthi” nga operativët e ish-Sigurimit.
Më poshtë, video e publikuar nga gazetari Blendi Fevziu, për dosjen që operativët e ish-Sigurimit të Shtetit në kohën e diktaturës kanë mbajtur për ish-presidentin Rugova:
